L'île du Levant et le Youkali en esperanto dans la revue NATURISTA VIVO

Publié le 4 Août 2019

Insulo en Mediteraneo, naturisma oazo marmeze

Oni devas fidi siajn pensojn, ili estas la komenco de la ago. Niaj pensoj estis turnataj al la restado ekster la freneza urba vivo. Pli kaj pli sopirantaj, ni diris al ni mem: ni iru iom pli for, dum iom da tempo, aliloken. Ni iru trans la horizonto por vidi ĉu ni ne jam estis tie pli frue. Iuj amikoj diris al ni, vi devas iri al la insulo de Levant.
Le Levant estas pasia insulo kun sia izoliteco, kun sia vivo malsama de la nuna socio, kiun detruis jam la medio. Estas necese koni la rilaton kun la nudeco de loka loĝantaro, ilia toleremo kaj la rilato al la aliuloj.

Tiel ni troviĝis en ĉi tiu naturisma insulo, plene ĉirkaŭita de la akvo de nia Mediteraneo, kun sportaj grimpadoj kaj belaj malsupreniroj.
Ĉu vi estas mastrulo aŭ senlaborulo, aliseksema aŭ samseksema: ni kuniĝas, ni similas, ni bone fartas, ni bone interrilatas, ni povas esti ni. Ni havos belan vojaĝon kaj povas iri reen al la naturo. Plena de impeto, ni veturis per malgranda boato en Le Lavandou, ĉe la marbordo aliflanke de la insulo kaj 35 minutojn poste ni alvenis.
Jen kiel ni restadis en la naturisma ejo «Heliopolis» sur la insulo «Le Levant». Ĉi tiu insulo situas en Mediteraneo, Francio, proksime al la haveno Tulono (Toulon), nur 15 km-ojn de la urbo Hyères, fronte al urbeto Le Lavandou. Ĝi estas granda roko 8 km-ojn longa kaj 1 km-on larĝa.

La Levant estas la unua naturisma vilaĝo en Francio, fondita en 1932 de du kuracistoj, la Durville-fratoj. Ili diris, ke estas tre bone por sano vivi en simpleco, ene de la naturo, vestita kiel ni venis en la mondon.

La spirito de la fratoj Durville estas ankoraŭ ĉi tie kaj la vivo daŭre estas simpla: ne estas strata lumigado - elektro aperis sur Le Levant nur en 1989 - belaj domoj, sed nenio tro luksa, ne estas aŭtoj krom navetveturilo inter la marhaveno kaj la vilaĝo, kaj tiu de la urba policano de la insulo, abunda sed libera naturo, kelkaj butikoj, kapelo, malgranda urbodomo, pavumitaj vojoj, sed plejparte naturaj vojoj, rokoj, natura rezervo. Kaj la maro kun kristalpura akvo, krekoj.

Naturismo estas libera ĉie sur la insulo, escepte en la haveno kaj en publikaj konstruaĵoj, kie la pareon por viroj kaj virinoj oni rekomendas. Nudeco estas libera, sed ne devigata, tio estas, ke oni povas esti vestita, sen problemo: naturisto ne puŝos al la maro nenaturiston. Nudeco kutime necesas sur la plaĝoj kaj sur la marborda vojo, sed neniu estos devigita nudiĝi.

Ĉio estas farita por la bonfarto en Le Levant. Ĉiu, kiu venas, devas respekti naturismon, naturistojn kaj provi tiun mirindan liberigan aventuron, kiu estas la naturisma filozofio.

En Le Levant estas ankaŭ unu el la plej belaj lokoj de Eŭropo por subakviĝo, la Gabinière, situata en la Nacia Parko Port-Cros, kie oni renkontas multajn fiŝspecojn kaj grandajn marherbejojn.
La tuta insulo estas konsiderata kiel escepta kaj sovaĝa areo. Ĉi tio estas pro la tre malalta envenado en la teritorio pro la milita statuso de la plej granda parto de la insulo: 90% de la insulo apartenas al la franca ŝtato kaj estas uzita de militistoj. 

Sed nur kelkaj altaj dratretoj videblaj sur la insulo foje memorigas nin, ke soldatoj ĉeestas sur la insulo. Kiam oni demandas homojn, kiaj estas la rilatoj inter ili kaj la militistoj, la respondo estas, ke ne ekzistas, ĉiu restas en sia hejmo.

Ĉio ĉi tre bone taŭgas por ni, ni rapide revenis al la naturo kaj rapide revenis al la sovaĝa stato. Ni loĝis ĉe lokuloj kaj ni rapide sentis nin hejme. Gilles kaj Thierry bonvenigis nin tre simpatie en sia nudisma loĝejo de 6 meblitaj studioj, kies nomo estas "Youkali". Ĉi tiu vorto estas prenita de kanto (Vortoj de Roger Fernay, muziko de Kurt Weill), kiu elvokas revan insulon, kiu ne ekzistas kaj kiun oni ŝatas serĉi.

Yukali
Ĉi tiu estas la lando de niaj deziroj
Yukali
ĝi estas feliĉo, estas plezuro
Yukali
Ĉi tiu estas la lando, kie ni lasas ĉiujn maltrankvilojn
ĝi estas, en nia nokto, kiel ĉiela heliĝo
La stelo, kiun ni sekvas
Estas Yukali, ĝi estas Yukali, ĝi estas Yukali

Gilles kaj Thiery tre bone zorgas pri la bonfarto de iliaj loĝantoj. Ili estas ĉiam disponeblaj kaj ili igis ĉi tiun lokon ombra verda nesto, kiu donas malstreĉiĝon, ripoziĝon, feliĉon de la momento. Ili vivas dum la tuta jaro en ĉi tiu konservita loko, for de la bruo, la poluado kaj la ritmo de la urba vivo. La elmediigo estas tuta plena.
Ni envias ilin en ĉi tiu elekto de vivo, pro tio, kio ili estas, pro tio, kion ili faras.

Ni devis resurmeti niajn vestaĵojn post ĉi tiu liberaera semajno. Estas bedaŭrinde, ke ni devis forlasi Le Levant, kaj rekuniĝi kun la civilizo. Ni esperas reiri regule, sed la antaŭvidoj estas malfacilaj, precipe kiam temas pri la estonteco.

Gilles kaj Thierry povas esti kontaktitaj ĉe leyoukali@gmail.comwww.leyoukali.fr


Marc GALLARDO (N-ro 790, Francio)
 

 

La traduction à suivre à 10h00

Rédigé par HODIE

Publié dans #Ile du Levant, #Naturisme, #Coupures de presse

Commenter cet article